Ronaldo 700 goals : Oda footballers wey score pass 700 goals for dia career
Wia dis foto come from, Getty Images
Cristiano Ronaldo number 700 goal for Portugal Euro 2020 qualifier football match for Ukraine add am for list of highest goal scorers.
Di 34-year-old score penarity as Portugal lose 2-1 to Ukraine.
Dis Ronaldo goal, mean say im don join oda ogbonge footballers wey don score at least 700 goals for dia football career.
According to data from Rec Sport Soccer Statistics Foundation, Di Juventus forward Ronaldo, still dey back back for di list as di footballer wey don score goal pass, na Czech-Austrian Josef Bican wey get 805 career goals
Wia dis foto come from, Getty Images
Next pesin for di list na Brazil legend Romario, wey get 772 goals, while im kontri man, Pele na number three for list wit 767 goals.
Hungary legend Ferenc Puskas get 746 goals for im record, while former Germany striker Gerd Muller di top five with 735 goals.
End of Di one wey oda users dey read well well
No be today Cristiano Ronaldo don dey break record. if you tok of any record for football im don break am.
Im get di 700 goals from 973 matches wey im don play and e don score at least once for 458 out of di football matches.
Di goal wey im score for Portugal for di Ukraine match also be di 95th wey im don score for Portugal.
