முல்லா ஓமர் இறந்த செய்தி மறைக்கப்பட்டதை தாலிபன் ஒப்புக்கொண்டுள்ளது

பிரசுரிக்கப்பட்டது
தாலிபன் இயக்கத்தின் முன்னாள் தலைவர் முல்லா ஓமர் உயிரிழந்த செய்தியை இரண்டு ஆண்டுகளுக்கும் மேலாக மறைத்துவைத்திருந்ததை ஆப்கானிய தாலிபன்கள் ஒப்புக்கொண்டுள்ளனர்.
முல்லா ஓமருக்கு அடுத்த இடத்தில் இருந்த, தற்போதைய தலைவர் முல்லா அக்தர் மொன்சூரின் வாழ்க்கை வரலாற்றுக் குறிப்பிலேயே, இந்த தகவல் மிகவும் நுட்பமான முறையில் ஒப்புக்கொள்ளப்பட்டுள்ளது.
2013-ம் ஆண்டு ஏப்ரல் 23-ம் திகதி முல்லா ஓமர் உயிரிழந்ததாக, ஆப்கானிய உளவுத்துறை முதலில் அறிவித்திருந்த செய்தியை, முதல்தடவையாக தாலிபன்கள் இப்போது உறுதிப்படுத்தியுள்ளனர்.
தாலிபன்கள், கடந்த ஜூலை வரைகூட தங்களின் அதிகாரபூர்வ செய்தி அறிக்கைகளை முல்லா ஓமரின் பெயரிலேயே வெளியிட்டு வந்திருந்தமை குறிப்பிடத்தக்கது.



























