’امریکی پابندیاں عالمی قوانین کےخلاف ہیں‘

ایران کا اصرار ہے کہ اس کا جوہری پروگرام پرامن مقاصد کے لیے ہے
،تصویر کا کیپشنایران کا اصرار ہے کہ اس کا جوہری پروگرام پرامن مقاصد کے لیے ہے
وقت اشاعت

امریکہ اور مغربی ملکوں کی طرف سے ایران پر عائد کی جانے والی نئی پابندیوں کو روس نے بین الاقوامی قوانین کے خلاف قرار دیتے ہوئے کہا ہے کہ اس اقدام کا ایران کے ساتھ مذاکرات کے عمل پر منفی اثر پڑے گا۔

روس کی وزارتِ خارجہ نے امریکہ اور مغربی ممالک کی طرف سے ایران کے خلاف نئی پابندیوں پر سخت رد عمل کا اظہار کیا ہے۔

دوسری طرف ایران کی حکومت نے بھی تازہ پابندیوں کو رد کیا ہے اور کہا کہ اس کا ایران پر کوئی اثر نہیں پڑے گا۔

امریکہ اور مغربی ملکوں کی جانب سے ایران پر پابندیوں کا اعلان کرنے کے ایک دن بعد ایران کی وزارتِ خارجہ نے اس بارے میں بیان جاری کیا۔ ایران آئی اے ای اے کی تازہ رپورٹ کو رد کرتا ہے جس میں کہا گیا تھا کہ ایران جوہری ہتھیار بنانے کی تیاری کر رہا ہے۔

امریکہ اور مغربی ملکوں کی جانب سے ایران پر لگائی گئی پابندیوں کا ہدف ایران کا تیل اور پیٹرو کیمیکل سیکٹر ہوگا۔