پاکستان کی سات رنز سے شکست

وقت اشاعت

ویسٹ انڈیز نے سیریز کے واحد ٹی ٹوئنٹی میں پاکستان کو سات رنز سے شکست دے دی ہے۔

ویسٹ انڈیز نے پاکستان کوجیتنے کے لیے 151 رنز کا ہدف دیا ہے۔ ویسٹ انڈیز نے مقررہ بیس اوورز میں سات وکٹوں کے نقصان پر 150 رنز سکور کیے۔

<link type="page"><caption> تفصیلی سکور کارڈ</caption><url href="http://news.bbc.co.uk/sport/hi/english/static/cricket/statistics/scorecards/2011/04/86219/html/scorecard.stm" platform="highweb"/></link>

ویسٹ انڈیز کی جانب سے بشو نے چار اور رام پال نے تین وکٹیں حاصل کیں اور ٹیم کی جیت کو یقینی بنایا۔ سیمی نے ایک وکٹ حاصل کی۔

پاکستان کو دوسرے ہی اوور میں نقصان اٹھانا پڑا جب حفیظ تین رنز بنا کر آؤٹ ہو گئے۔ دوسرے آؤٹ ہونے والے کھلاڑی شہزاد تھے جنہوں نے بارہ رنز بنائے۔

پاکستان کی تیسری وکٹ 49 کے مجموعی سکور پر گری جب شفیس پچیس رنز بنا کر آؤٹ ہوئے۔ چوتھے آؤٹ ہونے والے مصباح الحق تھے جو صفر پر آؤٹ ہوئے۔

پانچویں آوٹ ہونے والے کھلاڑی کپتان شاہد آفریدی تھے جنہوں نے بارہ رنز سکور کیے۔ چھٹے آؤٹ ہونے والے سلمان تھے جنہوں نے پانچ رنز بنائے اور وہ رن آؤٹ ہوئے۔

پاکستان کے ساتویں آؤٹ ہونے والے کھلاڑی عمر اکمل تھے جنہوں نے 41 گیندوں میں اتنے ہی رن بنائے۔ آٹھویں آؤٹ ہونے والے رحمان تھے جنہوں نے سات رنز بنائے۔ وہاب ریاض صرف چھ رنز بنا سکے۔

اس سے قبل ویسٹ انڈیز کی جانب سے سمنز نے شاندار بیٹنگ کا مظاہرہ کیا۔ انہوں نے 44 گیندوں میں سات چوکوں اور دو چھکوں کی مدد سے 65 رنز سکور کیے۔

ویسٹ انڈیز کی جانب سے دوسرے قابل ذکر بیٹنگ کرنے والے کھلاڑی براوو تھے جنہوں نے 33 گیندوں میں چار چوکے اور دو چھکے مارے اور 42 رنز بنائے۔

پاکستان کی جانب سے رحمان، اجمل اور ریاض نے دو دو وکٹیں حاصل کیں۔

پاکستانی کرکٹ ٹیم: محمد حفیظ، شہزاد، اسد شفیق، عمر اکمل، مصباح الحق، شاہد آفریدی، سلمان(وکٹ کیپر)، رحمان، ریاض، سعید اجمل، جنید خان۔

ویسٹ انڈیز کی ٹیم:فلیچر، سمنز، براوو، سیمیولز، ہائت، بارنویل، سیمی، رسل، بشو، نرس، رام پال۔