నేపాల్: కఠ్మాండూలో కూలిన విమానం.. 8 మంది మృతి

ఫొటో సోర్స్, SAROJ BASNET
నేపాల్ రాజధాని కఠ్మాండూ అంతర్జాతీయ విమానాశ్రయంలో ఒక విమానం కూలిపోయింది.
బంగ్లాదేశీ ఎయిర్లైన్స్ సంస్థ యూఎస్-బంగ్లాకి చెందిన విమానం త్రిభువన్ అంతర్జాతీయ విమానాశ్రయంలో రన్వే మీద ల్యాండ్ అవుతుండగా అదుపుతప్పి మంటలు చెలరేగాయి.
ప్రమాద సమయంలో ఆ విమానంలో 67 మంది ప్రయాణికులు, నలుగురు సిబ్బంది సహా మొత్తం 71 మంది ఉన్నట్లు అధికారులు బీబీసీకి తెలిపారు.
ఈ ప్రమాదంలో ఎనిమిది మంది మరణించినట్లు అధికారులు నిర్ధారించారు. మృతుల సంఖ్య ఇంకా పెరిగే అవకాశం ఉందని చెప్తున్నారు.
అయితే.. మృతుల సంఖ్య 27 అని ఏఎఫ్పీ వార్తా సంస్థ పేర్కొంది. వివిధ మీడియా సంస్థల కథనాల ప్రకారం 17 మంది నుంచి 30 మంది వరకూ క్షతగాత్రులను ఆస్పత్రులకు తరలించారు.

ఫొటో సోర్స్, TWITTER/@BISHNUSAPKOTA
ప్రమాదం జరిగిన వెంటనే అగ్నిమాపక దళాలు రంగంలోకి దిగి సహాయక చర్యలు చేపట్టాయి. మంటలను ఆర్పివేసి విమానం నుంచి గాయపడ్డవారిని, చనిపోయిన వారి మృతదేహాలను వెలికితీశారు.
సోషల్ మీడియాలో పోస్ట్ చేసిన వీడియో, ఫొటోల్లో విమానాశ్రయం రన్ వే వద్ద భారీగా పొగలు ఎగిసిపడుతున్నాయి.
ఈ కథనంలో X అందించిన సమాచారం కూడా ఉంది. వారు కుకీలు, ఇతర టెక్నాలజీలను ఉపయోగిస్తుండొచ్చు, అందుకే సమాచారం లోడ్ అయ్యే ముందే మేం మీ అనుమతి అడుగుతాం. మీరు మీ అనుమతి ఇచ్చేముందు X కుకీ పాలసీని , ప్రైవసీ పాలసీని చదవొచ్చు. ఈ సమాచారం చూడాలనుకుంటే ‘ఆమోదించు, కొనసాగించు’ను ఎంచుకోండి.
పోస్ట్ of X ముగిసింది
ప్రమాదానికి గురైన విమానం ఎస్2-ఏజీయూ - బొంబార్డియర్ డాష్ 8 క్యూ400 విమానం అని స్థానిక మీడియా చెప్తోంది. కానీ ఈ విషయం అధికారికంగా ధృవీకరణ కాలేదు.
స్థానిక కాలమానం ప్రకారం మధ్యాహ్నం 2 గంటల 20 నిమిషాలకు కఠ్మాండూ విమానాశ్రయంలో ఈ విమానం దిగినట్లు ఫ్లైట్రాడార్24 వెబ్సైట్ సమాచారం చెప్తోంది.

కఠ్మాండూ విమానాశ్రయం నుంచి అన్ని విమానాల రాకపోకలనూ రద్దు చేసినట్లు కఠ్మాండూ పోస్ట్ పేర్కొంది.
.... ఈ వార్త అప్డేట్ అవుతోంది....
ఇవి కూడా చూడండి:
- దళితులమని మమ్మల్ని హీనంగా చూస్తున్నారు: తెలంగాణలో సర్పంచి ఆవేదన
- నెలకు రూ.30 వేలు అద్దెకట్టి బోనుల్లో బతుకుతున్నారు
- దండి మార్చ్: గాంధీతో కలిసి నడిచిన తెలుగు వ్యక్తి ఎవరు?
- వ్యవసాయం గురించి ఏమాత్రం తెలియని పార్టీ బీజేపీ: పి.సాయినాథ్
- తమిళనాడు అడవిలో మంటలు: 9 మంది విద్యార్థుల మృతి
- టీడీపీ రాజ్యసభ అభ్యర్థిగా కనకమేడలను ఎందుకు ఎంపిక చేశారంటే?
(బీబీసీ తెలుగును ఫేస్బుక్, ఇన్స్టాగ్రామ్, ట్విటర్లో ఫాలో అవ్వండి. యూట్యూబ్లో సబ్స్క్రైబ్ చేయండి.)























