ஆழ்கடலில் ஆச்சரியமூட்டும் நுண்ணுயிரிகள்

கடைசியாக பிரசுரிக்கப்பட்டது: 18 மார்ச், 2013 - 14:06 ஜிஎம்டி

பசிபிக் பெருங்கடலின் அதிஆழமான பகுதியில் நுண்ணுயிரிகள் ஏராளமாக இருப்பதை சர்வதேச விஞ்ஞானிகள் கண்டறிந்திருக்கிறார்கள்.

பசிபிக் பெருங்கடலின் ஆழமான பகுதியான மரியானா டிரென்ச் எனப்படும் 11 கிலோமீட்டர் ஆழ் கடலில் ஏராளமான நுண்ணுயிரிகள் இருப்பதை விஞ்ஞானிகள் கண்டுபிடித்திருக்கிறார்கள்.

நேச்சர் ஜியோசயின்ஸ் என்கிற அறிவியல் சஞ்சிகையில் வெளியாகியிருக்கும் இந்த ஆய்வின் முடிவுகள், கடலின் அடி ஆழத்தில் இருக்கும் ஓரணு உயிரிகள், கடலில் மேற்பரப்பில் இருக்கும் இதுபோன்ற ஓரணு உயிரிகளைவிட மேலதிக செயலூக்கம் பெற்று காணப்படுவதாக தெரிவிக்கிறது.

இந்த நுண்ணுயிரிகள் இறந்த கடல்வாழ் தாவரங்களையும், கடலின் மேற்புறத்திலிருந்து நிலைதவறி அல்லது வழிதவறி இங்குவரும் மற்ற உயிரிகளை உண்டு உயிர்வாழ்வதாகவும் இவர்கள் தெரிவித்திருக்கிறார்கள்.

கடலில் இவ்வளவு ஆழத்தில் உயிரிகள் இருப்பது சாத்தியமில்லை என்று நினைத்திருந்த விஞ்ஞானிகளுக்கு அங்கு காணப்படும் ஏராளமான நுண்ணுயிரிகளும் அவற்றின் அதிகரித்த செயற்படு தன்மையும் பெரும் ஆச்சரியத்தை அளித்திருப்பதாக, இந்த ஆய்வில் ஈடுபட்ட விஞ்ஞானிகள் தெரிவித்திருக்கிறார்கள்.

BBC © 2014வெளியார் இணையதளங்களில் இருக்கும் தகவல்களுக்கு பிபிசி பொறுப்பாகாது

(CSS) ஸ்டைல் ஷீட் வசதியுள்ள இணைய உலவிகளில்தான் இந்த பக்கத்தை ஒழுங்காகப் பார்க்க முடியும். தற்போது நீங்கள் வைத்துள்ள உலவியிலேயே இப்பக்கம் தெரியும் என்றாலும், இப்பக்கத்தின் முழுமையான காட்சி அனுபவத்தை நீங்கள் பெற இயலாது. உலவியின் புதிய பதிப்பு ஒன்றைப் பெறுவது பற்றி பரிசீலிக்கவும், அல்லது உங்கள் உலவியில் ஸ்டைல் ஷீட் வசதி இருந்தால், அது செயல்பட அனுமதிக்கவும்.