EU yaondoa vikwazo dhidi ya Grace Mugabe

Vikwazo hivyo viliwekwa kwa mara ya kwanza miaka minne 20 iliyopita, lakini vilisitishwa miaka miwili iliyopita. Sasa vimeondolewa kabisa.

Moja kwa moja

  1. EU yaondoa vikwazo dhidi ya Grace Mugabe

    Grace Mugabe
    Maelezo ya picha, Grace Mugabe alikuwa na ushawishi mkubwa wakati wa utawala wa mumewe Robert Mugabe

    Serikali ya Zimbabwe imekaribisha uamuzi ya Muungano wa Ulaya (EU) wa kuondoa vikwazo vya usafiri na uchumi dhidi ya Makamu wa Rais Constantino Chiwenga, mama taifa wa zamani Grace Mugabe na mkuu wa majeshi Valerio Sibanda.

    EU ilichukua uamuzi huo licha ya kukiri kwamba rekodi ya haki za binadamu ya Zimbabwe haijaboreka na inaweza kuwa mbaya zaidi.

    Vikwazo hivyo viliwekwa kwa mara ya kwanza miaka minne 20 iliyopita, lakini vilisitishwa miaka miwili iliyopita. Sasa vimeondolewa kabisa.

    Vikwazo dhidi ya sekta ya ulinzi ya Zimbabwe bado vipo.

    Msemaji wa serikali ya Zimbabwe Nick Mangwana aliiambia BBC kwamba uamuzi huo ni ishara chanya na unaonyesha mafanikio ya kujiunga tena na EU.

    Serikali itaendelea kushinikiza vikwazo vyote kuondolewa bila masharti, aliongeza.

    Rais Emmerson Mnangagwa amekuwa akijaribu kuboresha uhusiano na mataifa ya Magharibi tangu kumwondoa madarakani mtawala wa muda mrefu Robert Mugabe mwaka 2017.

    Serikali iliyoongozwa na Mugabe ilikuwa na mzozo mkubwa na EU baada ya kunyakua mashamba yanayomilikiwa na wazungu, na kuanza kukandamiza upinzani.

  2. Nigeria: Kutana na Agali Deborah, 20, mwanafunzi anayetumia penseli kuchora

    DEBBIES ART
    Maelezo ya picha, DEBBIES ART

    "Wakati wowote wanapoona kazi yangu, hawaamini kwamba ninachora "

    Agali Deborah anatumia penseli ya mkaa kuchora na kuvutia watu wengi.

    Katika mahojiano ya kipekee na BBC Pidgin, Deborah amesema watu wakiona kazi yake ya sanaa, husema amefanyiwa na kaka yake au mtu mwingine.

    Anasema kuwa watu wanaamini kwamba yeye sio mtu sahihi kufanya kazi hiyo ya uchoraji kwasababu ya jinsia yake.

    Hata hivyo mwanadada huyo anasema alianza kuchora tangu akiwa na umri wa miaka minne.

    "Kipindi hicho, nilikuwa naenda kwenye mkoba wa mama yangu ambaye alikuwa mwalimu, nachukua kalamu na kuanza kuchora wahusika wa vipindi vya kwenye vya katuni."

    DEBBIES ART
    Maelezo ya picha, DEBBIES ART

    Deborah anasema alipofika umri wa miaka 16, hapo ndipo alipoanza kuchora nyuso za wanadamu na akaanza kufanya mazoezi hadi kiwango ambacho matokeo yake yalianza kumridhisha.

    Deborah alianza kupata umaarufu baada ya mwimbaji, rapa wa Marekani, Cardi B kumualika kukutana naye alipotembelea Nigeria.

    Alimchora msanii huyo wa Marekani na kumuunga kwenye ukurasa wake wa mtandao wa kijamii lakini anasema hakuwa kusikia kutoka kwa rapa huyo hadi siku moja ambapo mtu alimpigia simu na kumuuliza kama anaweza kukutana na Cardi B.

    "Hayo ndio mafanikio yangu makubwa hadi kufikia sasa, na nilipokutana na Cardi B, mazungumzo yetu yaliongeza tija katika kazi yangu", amesema.

    "Ilibadilisha maisha yangu.", Deborah ameongeza.

  3. Mwanaume ajipata mashakani kwa kuoa tena bila ruhusa ya mkewe wa kwanza Pakistan

    ANAND VAGHASIYA / EYEEM

    Mahakama nchini Pakistan imemhukumu kifungo cha miezi sita gerezani mwanamume moja kwa kuoa tena bila ridhaa ya mke wake wa kwanza.

    Mahakama ya Lahore ilikataa hoja ya mwanamume huyo kwamba dini yake ilimruhusu kudharau imani yake kama Muislamu.

    Mke wa Saqib, Ayesha Bibi, alishinda kesi hiyo, akisema kuwa ndoa ya pili, bila kibali chake cha maandishi, ilikuwa ni ukiukaji wa sheria za familia nchini Pakistan.

    Hakimu pia aliamuru mwanamume huyo alipe faini ya dola 2,000.

    Watetezi wa haki za wanawake wanasema uamuzi wa mahakama unakatisha tamaa wanaume wanaotaka kuwa na wake wengi.

    Pia, walisema itawashawishi wanawake, na itasababisha wanaume zaidi kufikishwa mahakamani.

    Nchini Pakistan, mwanaume anaweza kuoa zaidi ya mke mmoja, lakini lazima apate idhini ya mke wake wa kwanza kabla ya kuoa mke wa pili.

    Baraza la Kiislamu la Pakistan, ambalo mara nyingi huishauri serikali kuhusu masuala ya kidini, linakosoa sheria za familia. Hatahivyo, pendekezo lao halikukataliwa.

    Saqib ana haki ya kukata rufaa dhidi ya uamuzi huo wa mahakama.

    Soma:

  4. Polisi ambao hawajaolewa hawaruhusiwi kupata ujauzito - mahakama ya Nigeria yaamua

    Mwanamke mjamzito

    Mahakama Kuu nchini Nigeria imedumisha uamuzi wa kikosi cha polisi kumfuta kazi afisa wa polisi wa kike ambaye alipata ujauzito nje ya ndoa mwaka jana.

    Jaji Inyang Ekwo alisema hakuona sababu ya kutosha "kuvuruga nidhamu ya jeshi".

    "Mtu yeyote anayejiunga na jeshi lazima azingatie kanuni za jeshi au asijiunge na jeshi kwani hakuna sio lazima," aliongeza.

    Kesi hiyo iliwasilishwa mahakamanina Chama cha Wanasheria wa Nigeria kufuatia kufutwa kazi kwa afisa ambaye hajaolewa ambaye alipata ujauzito Januari 2021.

    "Maafisa wa polisi wa kiume na maafisa wa polisi waliooa katika Jeshi la Polisi la Nigeria hawabaguliwi, kuwekewa vikwazo, kuonewa na kudhalilishwa hivyo," ilisema.

  5. Qatar yafutilia mbali leseni za mashirika ya ajira ya Kenya - ripoti

    Qatar imefutilia mbali leseni za mashirika 12 ya kuajiri nchini Kenya kwa nia ya kuwakinga wafanyakazi wahamiaji kutokana na mazingira duni ya kazi katika jimbo la Ghuba, ripoti zinasema.

    Hatua hiyo inafuatia mkutano kati ya mkuu wa chama cha wafanyakazi nchini Kenya Francis Atwoli na waziri wa leba wa Qatar Ali bin Samikh Al Marri mjini Doha siku ya Jumapili, gazeti la Daily Nation linasema.

    “Waziri alibainisha kuwa kwa sasa wako katika harakati za kufuta utendakazi wa mashirika ya uajiri yanayomilikiwa na Kenya. Angalau leseni 12 zimefutwa kufikia sasa,” gazeti la Daily Nation lilimnukuu Bw Atwoli akisema.

    Ofisi za ajira zilizofungwa haziwezi tena kuajiri au kufunga mikataba na wafanyikazi.Qatar inasema hatua hiyo inalenga kulinda haki za waajiri wa wafanyikazi wahamiaji.

    Ruka X ujumbe
    Ruhusu maudhui? (Mitandao ya kijamii)

    Mkala hii imebeba madhui yaliyotoka kwenye mitandao ya kijamii. Tunaomba ruhusa yako kabla kitu chochote hakija pakiwa, sababu wanaweza wakawa wanatumia Cookies na tekinolojia nyingine. Unaweza ukasoma sera sera ya kutumia cookies katika mitandao ya kijamii kabla ya kukubali. Kutazama maudhui haya chagua accept and continue

    Onyo: BBC haihusiki na maudhui ya nje

    Mwisho wa X ujumbe

    Bw. Atwoli, Katibu Mkuu wa Muungano wa Vyama vya Wafanyakazi, aliomba mazingira bora ya kazi kwa wahamiajiBw Al Marri alimhakikishia kuwa wafanyikazi wa nyumbani watakuwa salama nchini, akisema Qatar pia inafunga mashirika yanayotumiwa kuwaibia Wakenya Mashariki ya Kati.

    Qatar - ambayo itakuwa mwenyeji wa Kombe la Dunia la kandanda la 2022 mnamo Novemba na Desemba - ni moja ya mataifa ya Ghuba ambapo ripoti za unyanyasaji wa wafanyikazi wa nyumbani mikononi mwa waajiri wao zimekuwa zikiibuka.

    Baadhi ya Wakenya waliachwa bila hati za kusafiria na tikiti baada ya kutofautiana na waajiri wao nchini Qatar mnamo Agosti 2018.Wafanyikazi walikuwa wameandamana kulalamikia mazingira ya kazi.

    Ripoti ya Wizara ya Mashauri ya Kigeni ya mwaka 2021 ilionyesha kuwa Wakenya 89, wengi wao wakiwa wafanyikazi wa nyumbani, walifariki nchini Saudi Arabia katika kipindi cha miaka miwili iliyopita.

  6. Abiy kuhutubia bunge kuhusu mzozo wa Tigray

    Vikosi vya Ethiopia

    Waziri Mkuu wa Ethiopia Abiy Ahmed anatarajiwa kulihutubia bunge la nchi hiyo kuhusu mzozo kati ya vikosi vya serikali na waasi wa Tigray katika eneo la kaskazini.

    Itakuwa mara ya kwanza kake kulihutubia bunge tangu aliposhinda muhula wa pili mwezi Juni mwaka uliopita.

    Vikosi vya muungano vimekuwa vikipigana na waasi watiifu wa chama cha Tigray People's Liberation Front (TPLF) tangu Novemba 2020.

    Nchi hiyo pia iko katika mzozo wa mpaka na Sudan na mzozo na Misri na Khartoum kuhusu Bwawa la Grand Ethiopian Renaissance (Gerd) kwenye mto Blue Nile.

    Mnamo February 20, Bw. Abiy alitangaza kuanza kwa uzalishaji wa umeme kutoka kwa bwawa hilo lenye utata, na kusababisha hisia za hasira kutoka Misri na Sudan.

    Nchi hizo mbili za chini ya mto zimetoa wito wa kuwepo kwa makubaliano ya kisheria ili kutatua mzozo na Ethiopia.

    Wanaliona bwawa hilo kama tishio kwa sababu ya kutegemea Mto Nile kwa maji ya kunywa na umwagiliaji.

    • Mzozo wa Tigray Ethiopia: Waziri Mkuu Abiy Ahmed ni nani?
    • Mzozo wa Tigray: Kufufuka kwa uasi kunamaanisha nini kwa Waziri Mkuu wa Ethiopia?
    • Mzozo wa Tigray, Ethiopia: Kwa nini ulimwengu mzima una wasiwasi na mzozo huu?
  7. Mvutano wa Ukraine-Urusi: Hofu ya kuongezeka kwa bei ya mafuta na usambazaji yaibuka

    Mzozo wa Urusi na Ukraine

    Bei ya mafuta inapanda kwa hofu kwamba mzozo wa Ukraine na Urusi utatatiza mfumo wa usambazaji bidhaa hi kote duniani.

    Bei ya mafuta ghafi ya Brent ilifikia dola 97.44 kwa pipa siku ya Jumanne- kiwango cha juu kaika kipindi cha miaka saba huku Urusi ikipeleka wanajeshi wake katika maeneo mawili yanayodhibitiwa na waasi mashariki mwa Ukraine baada ya kuyatambua kama mataifa huru.

    Uingereza na washirika kadhaa wa magharibi wametishia kuiwekea Urusi vikwazo.

    Nchi hiyo ni ya pili kwa uuzaji mafuta baada ya Saudi Arabia.

    Pia ni mzalishaji mkuu wa gesi asilia duniani.

    Urusi imesema wanajeshi wake watashiriki katika mpango wa"kulinda amani" katika jamhuri zilizojitangaza za Donetsk na Luhansk.

    Lakini Marekani imesema kuwaita wanajeshi hao ni wa kulinda amani ni "upuuzi", na kwamba Urusi inajenga kisingizio cha vita.

    Mgogoro wa Ukraine na Urusi unaweza kuwa na "madhara makubwa", alisema Sue Trinh wa Usimamizi wa Uwekezaji wa Manulife.

    Vikwazo vinavyoilazimisha Urusi kutoa gesi ghafi au gesi asilia vitakuwa na "athari kubwa kwa uchumi wa dunia," aliongeza.

  8. Kocha wa Chelsea Thomas Tuchel asema 'si wakati wa kumkejeli' Lukaku

    Lukaku
    Maelezo ya picha, Lukaku alikugusa mpira mara saba pekee katika mechi ya Jumamosi dhidi ya Crystal Palace

    Mkufunzi wa Chelsea Thomas Tuchel amesema "hakuna wakati wa kumcheka" Romelu Lukaku baada ya mshambuliaji huyo aliyenunuliwa kwa kima cha takriban pauni milioni 97.5 kukabiliwa na changamoto uwanjani siku za hivi karibuni.

    Lukaku alifanikiwa kugusa mpira mara saba tu katika mechi ya Jumamosi ambapo Chelsea ilipata ushindi wa bao 1-0 dhidi ya Crystal Palace, kiwango ambacho ni cha chini kwa mchezaji yeyote kuwahi kugusa mpira katika dakika 90 za mechi ya Ligi ya Premia tangu mwaka 2003, wakati data hiyo iliporekodiwa mara ya kwanza.

    "Yuko kwenye uangalizi na tutamlinda. Romelu daima atakuwa sehemu ya suluhisho," Tuchel alisema.

    "Wakati mwingine inakuwa hivi kwa washambuliaji ikiwa wanajitahidi kidogo kujiamini na kutafuta nafasi ya kujihusisha na safu nzuri ya ulinzi.

    "Bila shaka sio kile tunachotaka au anachotaka Lukaku lakini huu sio wakati wa kumcheka na kufanya masihara kumhusu."

    Mshambuliaji huyo wa Ubelgiji wa miaka 28, amefanikiwa kufunga mabao matano pekee ya Ligi ya Primia katika mechi 17 tangu ajiunge tena na mabingwa watetezi wa Ligi ya Mabingwa Chelsea msimu huu, na kufunga mabao mengine matano katika mashindano mengine.

  9. Utafiti: Watoto wanaozaliwa wakiwa na virusi vya ukimwi wagunduliwa kuwa na usugu wa dawa za ARTs

    PrEP

    Takriban watoto sita kati ya 10 waliogunduliwa hivi karibuni kuzaliwa na akina mama walio na virusi vya ukimwi wanakabiliwa na usugu wa dawa zinapunguza makali ya virusi vya ukimiwi (ARTs), kwa mujibu wa utafiti wa Taasisi ya Utafiti wa Madawa nchini Kenya (KEMRI).

    Zaidi ya nusu ya watoto walizaliwa wakiwa sugu kwa madawa ambayo huzuia virusi kuongezeka. Watafiti wanasema kwamba watoto hawa huzaliwa wakiwa na kirusi sugu kwa dawa kutokana na matumizi ya ARTs na mama zao.

    Watafiti kutoka Taasisi ya (KEMRI) waligundua kuwa usugu dhidi ya dawa za kupunguza makali ya virusi vya ukimwi (ARTs) umekuwa ukiongezeka tangu 2014, mwaka wa mapema zaidi ambapo sampuli za damu zilikusanywa kutoka kwa watoto wachanga walio na umri wa chini ya miezi 18.

    Inakadiriwa kuwa maambukizi mapya ya virusi vya ukimwi kwa watoto wachanga 13,000 hutokea kila mwaka nchini Kenya. Ili kuzuia maambukizi ya virusi kutoka kwa mama kwenda kwa mtoto, mwaka 2014 Kenya ilianza kutumia mbinu ya kuwapa wanawake wote wajawazito wenye virusi vya ukimwi matibabu ya maisha na yale ya ARTs kwa watoto wote walioambukizwa, bila malipo.

    Hata hivyo, utumiaji mbaya wa dawa za ARTs miongoni mwa akina mama wajawazito kumesababisha kutokea usugu wa dawa hizo kwa watoto wao wachanga.

  10. Truth Social: Trump arejea na mtandao wake wa kijamii baada ya kupigwa marufuku Twitter

    th

    Jukwaa la mtandao wa kijamii la Donald Trump, Truth Social limezinduliwa,kwa kiasi kidogo kwenye Apple App store nchini Marekani.

    Programu hiyo inafanana na Twitter, wachambuzi wamebaini - Bw Trump alipigwa marufuku kutoka Twitter, Facebook na YouTube mwaka jana.

    Na watumiaji wengine wa mapema walikuwa na shida kusajili akaunti.

    Kiongozi wa mradi na mbunge wa zamani Devin Nunes alisema unatarajiwa kufanya kazi kikamilifu mwishoni mwa Machi.

    Baadhi ya wale wanaojaribu kujiandikisha walikuwa wameambiwa: "Kwa sababu ya mahitaji makubwa, tumekuweka kwenye orodha yetu ya wanaosubiri," shirika la habari la Reuters liliripoti.

    Imeundwa na kampuni ya Trump Media & Technology Group (TMTG), Truth Social hapo awali ilitolewa kwa watumiaji wapatao 500 wanaojaribu beta.

    Wiki iliyopita, Donald Trump Jr aliweka mtandaoni picha ya skrini ya "ukweli" wa kwanza wa baba yake kwenye mtandao wa kijamii: "Jitayarishe. Rais wako unayempenda atakuona hivi karibuni." Aliandika .

    Ruka X ujumbe
    Ruhusu maudhui? (Mitandao ya kijamii)

    Mkala hii imebeba madhui yaliyotoka kwenye mitandao ya kijamii. Tunaomba ruhusa yako kabla kitu chochote hakija pakiwa, sababu wanaweza wakawa wanatumia Cookies na tekinolojia nyingine. Unaweza ukasoma sera sera ya kutumia cookies katika mitandao ya kijamii kabla ya kukubali. Kutazama maudhui haya chagua accept and continue

    Onyo: BBC haihusiki na maudhui ya nje

    Mwisho wa X ujumbe

  11. Watu 60 wafariki katika mlipuko wa mgodi wa dhahabu Burkina Faso

    TH

    Takriban watu 60 waliuawa siku ya Jumatatu katika mlipuko katika mgodi wa dhahabu katika kijiji karibu na Gaoua kusini-magharibi mwa Burkina Faso.

    Makumi ya watu zaidi walijeruhiwa, wakiwemo wanawake na watoto

    Ilitokea wakati vilipuzi vilivyohifadhiwa karibu na eneo la kuchimba dhahabu vilipolipuka, maafisa wa eneo hilo na mashahidi walisema.

    Wengi wa watu waliojeruhiwa walihamishwa hadi hospitali ya mkoa ya Gaoua.

    Mwendesha mashtaka wa mkoa aliyetembelea eneo la tukio alisema uchunguzi umeanzishwa kuhusu mkasa huo.

    Ajali hutokea mara kwa mara katika shughuli za uchimbaji madini ambazo hazijaidhinishwa katika baadhi ya nchi za Afrika, huku udhibiti wa usalama mara nyingi ukiwa mdogo au haupo kabisa.

  12. Hujambo na karibu kwa matangazo yetu ya moja kwa moja leo Jumanne tarehe 22 Februari 2022