Moto wa Maui: Idadi ya waliopoteza maisha yafikia 93 , gavana aonya kuhusu ongezeko la vifo

Watu 89 wamethibitishwa kufariki katika ajali ya moto ya Maui

Moja kwa moja

  1. ECOWAS yapanga tena kukutana na viongozi wa mapinduzi Niger

    Waandamanaji

    Jumuiya ya ECOWAS ya Afrika Magharibi inalenga kutuma kamati ya bunge nchini Niger kukutana na viongozi wa mapinduzi walionyakua mamlaka mwezi uliopita, msemaji alisema Jumamosi, sehemu ya jitihada za mwisho za kikanda za kurejesha utawala wa kiraia unaojumuisha viongozi wa kidini.

    Wanajeshi wa Niger mwezi uliopita walimshikilia Rais Mohamed Bazoum na kuvunja serikali iliyochaguliwa, na kulaaniwa na mataifa yenye nguvu ya kikanda ambayo yameanzisha kikosi cha kijeshi ambacho kinasema kitatumwa kama suluhu la mwisho iwapo mazungumzo yatashindwa.

    Lakini viongozi wa mapinduzi, wakiongozwa na Jenerali Abdourahamane Tchiani, wamepinga juhudi za kidiplomasia za Jumuiya ya Kiuchumi ya Afrika Magharibi (ECOWAS), Marekani na mataifa mengine, na hivyo kuibua hali ya mzozo zaidi katika eneo maskini la Sahel la Afrika Magharibi, linakabiliwa na uasi mbaya wa Kiislamu.

  2. Polisi Tanzania wawakamata watu wawili, wakiwatuhumu kuandaa maandamano

    Polisi wa Tanzania wamemkamata mwanasheria na mwanasiasa wa upinzani kwa tuhuma za uchochezi na kupanga maandamano ya nchi nzima yenye lengo la kuiangusha serikali.

    Polisi waliwakamata wakili Boniface Anyasile Mwabukusi na Mpaluka Nyagali siku ya Jumamosi, msemaji David Misime alisema katika taarifa.

    Philip Mwakilima, wakili anayewawakilisha wawili hao, aliliambia shirika la habari la Reuters kuwa anafanya juhudi za kuwapata wakiwa kizuizini na kwamba mashtaka dhidi yao ni "uongo na uzushi".

    Taarifa ya Polisi

    Mkuu wa polisi wa Tanzania Camillus Wambura alisema katika taarifa yake siku ya Ijumaa kwamba anachukua hatua dhidi ya kundi linalopanga kufanya maandamano nchini kote ili kuiangusha serikali ya Rais Samia Suluhu Hassan kabla ya mwaka 2025.

  3. Miss Universe yaahirishwa Indonesia baada ya washiriki kudai kunyanyaswa kijinsia

    Washiriki

    Miss Universe (MUO) limekata uhusiano na washiriki wake wa Kiindonesia baada ya washiriki kadhaa kudaiwa kunyanyaswa kijinsia siku chache kabla ya shindano la kuwania taji hilo mjini Jakarta.

    Washiriki wa shindano hilo walisema waliofika fainali walitakiwa bila kutarajia wavue nguo ili "kuchunguzwa mwili wa makovu na selulosi" na wengine walisema walipigwa picha bila nguo ya kufunika juu.

    MUO yenye makao yake nchini Marekani ilisema ni wazi kuwa biashara hiyo haikufikia viwango vya chapa, maadili, au matarajio yake. Polisi wa Jakarta wanachunguza madai hayo.

    MUO pia ilisema pia inaghairi mashindano ya mwaka huu nchini Malaysia ambayo yanaendeshwa na kampuni hiyo hiyo, PT Capella Swastika Karya. Shirika la Miss Universe liliwashukuru wanawake waliowasilisha malalamiko kwa ushujaa wao na kukariri "kutoa mahali salama kwa wanawake" kilikuwa kipaumbele chake.

    Ilisema ilikuwa ikitathmini sera na taratibu zake ili kuepusha matukio kama hayo na ikasema kwamba hakuna mahitaji ya vipimo vya mwili ili kujiunga na mashindano yake duniani kote.

  4. Wanasiasa wa Iran kujadili sheria za hijab kwa siri

    Hijab

    Wabunge wa Iran wamepiga kura kupitia sheria yenye utata ya hijab bila kuwekwa hadharani, maana yake hakutakuwa na mjadala wa umma kuhusu suala hilo.

    Muswada huo unaoitwa Hijabu na Usafi unatoa adhabu kali kwa wanawake wanaoshindwa kuvaa hijabu nchini Iran.

    Iliandaliwa kujibu maandamano ya miezi kadhaa yaliyochochewa na kifo cha mwanamke akiwa kizuizini ambaye alishutumiwa kutovaa hijabu yake ipasavyo.

    Pindi majaribio yatakapoanza, wabunge wataweza kubadilisha sheria, na hatimaye kuifanya kuwa sheria ya kudumu.

    Wabunge walitoa wito kwa Ibara ya 85 ya katiba ya Iran kuendeleza sheria hiyo, ambayo inaruhusu kamati ya bunge kupitia miswada hiyo bila mjadala wa umma.

    Kura hiyo iliyofanyika katika kikao cha wazi cha bunge, ilishuhudia wajumbe 175 wakipiga kura ya kuunga mkono hatua hiyo, huku 49 wakipiga kura dhidi yake.

    Mbunge Mohammad Rashidi alisema wabunge watapiga kura kuamua ni muda gani inafaa kutekelezwa kwa "majaribio".

    Hata hivyo Mbunge Gholamreza Nouri-Qezeljeh alionya kwamba hatua hiyo ilikuja na "hatari", hasa kwa vile sehemu kubwa ya muswada huo inalenga "kuhalalisha na kuadhibu" ukiukaji unaohusiana na hijabu.

  5. Ecuador: Wanajeshi wamhamisha anayetuhumiwa kumtishia mgombea urais aliyeuawa

    Vikosi vya usalama vya Ecuador vilisambaza picha za uvamizi huo kwenye mitandao ya kijamii

    Maelfu ya wanajeshi na polisi wa Ecuador wamehusika katika operesheni ya alfajiri ya kumhamisha kiongozi wa genge maarufu hadi kwenye jela yenye ulinzi mkali.

    Jose Adolfo Macias, anayejulikana kama "Fito" anatuhumiwa kutuma vitisho vya kifo kwa mgombea urais aliyeuawa Ecuador, Fernando Villavicencio.

    Mwanaharakati huyo wa kupinga ufisadi alipigwa risasi tatu kichwani akitoka kwenye mkutano wa kampeni siku ya Jumatano. Kabla ya kuuawa, Bw Villavicencio alisema alikuwa ametishwa na Fito.

    Kifo chake kimeshtua taifa ambalo kwa kiasi kikubwa limeepuka miongo kadhaa ya ghasia za magenge ya dawa za kulevya, vita vya magendo na ufisadi ambao umeathiri majirani zake wengi.

    Uhalifu hata hivyo umeongezeka katika miaka ya hivi karibuni, ukichochewa na ukuaji wa magenge ya madawa ya kulevya ya Colombia na Mexico.

    Siku ya Jumamosi, chama chake cha Construye kilimtangaza mgombea mwenza wake, Andrea Gonzalez kama mgombea wake wa urais katika nafasi ya Bw Villavicencio.

    Kazi ya Bi Gonzalez imezingatia zaidi masuala ya mazingira, na chama kilisema "kitahakikisha urithi" wa Bw Villavicencio.

    Wakati huo huo, mjane wa Bw Villavicencio, Veronica Sarauz alisema aliitaka serikali kuwajibika kwa kifo cha mumewe, na akasema hakufurahishwa na Bi Gonzalez kutajwa kama mbadala wa mumewe ili kushiriki uchaguzi.

  6. Moto wa Maui: Idadi ya waliopoteza maisha yafikia 93 , gavana aonya kuhusu ongezeko la vifo

    Athari za moto

    Watu 93 wamethibitishwa kufariki katika ajali ya moto ya Maui iliyoteketeza mji wa kihistoria wa Lahaina, ukiwa ni ajali mbaya zaidi ya moto nchini Marekani katika karne moja.

    Idadi ya waathiriwa inaweza kuongezeka "kwa kiasi kikubwa", Gavana wa Hawaii Josh Green alisema Jumamosi, huku kazi ya uchunguzi ikiendelea kuwatambua waathiriwa.

    Mamia hawajulikani waliko huku mamia ya wengine wakiyajaza makazi katika eneo la Maui baada ya kuukimbia moto huo.

    "Ni siku ngumu," Bw Green alisema.

    Moto huo "hakika utakuwa janga baya zaidi la asili kuwahi kukumba Hawaii", alisema.

    "Tunaweza tu kusubiri na kusaidia wale wanaoishi. Lengo letu sasa ni kuwaunganisha watu tunapoweza na kuwapatia makazi na kuwapatia huduma za afya, na kisha kugeukia kujenga upya."

    Wakati moto wa nyika kwa sasa umedhibitiwa kwa kiasi kikubwa, juhudi za kuuzima kabisa zinaendelea katika sehemu za kisiwa hicho, ikiwa ni pamoja na karibu na Lahaina, ambayo imeharibiwa.

    Unaweza kusoma;

  7. Habari, karibu katika taarifa za moja kwa moja