
විදේශීය සුපිරි වෙළෙඳ සමාගම්වලට රට තුළ ආයෝජනය කිරීම් සඳහා දොරටු විවෘත කිරීමට ඉන්දියානු ආණ්ඩුව ගෙන ඇති තීරණයට එරෙහිව දහසකට අධික ජනතාව දිල්ලි අගනුවර විරෝධතා ව්යාපාරයක් දියත් කරමින් සිටී.
එම විරෝධතා ව්යාපාරය පෙරට ගියේ බටහිර බෙංගාලයේ මහා ඇමතිනී මමතා බැනර්ජිගේ පුරෝගාමිත්වයෙන්.
විදේශීය සුපිරි වෙළෙඳ සැල්වලට දොරටු විවර කිරීමට ඉන්දීය ආණ්ඩුව විසින් ගනු ලැබ ඇති තීන්දුවට විරෝධය පළකරමින්, මමතා බැනර්ජි නායකත්වය දෙන ත්රිනමුල් කොන්ග්රස් පක්ෂය මධ්යම ආණ්ඩුවේ තම ඇමතිවරුන් පදවි වලින් පසුගියදා ඉවත් කර ගනු ලැබිණ.
ඉන්දීය ආණ්ඩුව විදේශීය සුපිරි වෙළෙඳ සැල් සමූහවලට රටට ඇතුල් වීමට අවසර දී තිබෙන්නේ, ඒවායේ වැඩි අයිතිය දේශීය ව්යාපාරිකයන්ට හිමි වීමේ කොන්දේසිය යටතේයි.












