Còmhlan-Pìoba Sgìre Inbhir Aora am fear as fheàrr san t-saoghal

- Air fhoillseachadh
'S iad Còmhlan-Pìoba Sgìre Inbhir Aora a bhuannaich Co-fharpais Chòmhlan Pìoba na Cruinne airson an dàrna bliadhna ann an sreath.
'S e an ceathramh turas a rinn na pìobairean à Earra-Ghàidheal a' chùis.
Glèidh iad an tiotal ann an 2017 agus 2019.
Bhuannaich iad an dèidh dà latha de dh'fharpais ann an Lèanaidh Ghlaschu sa robh còrr air 200 còmhlan an sàs le pìobairean à 15 dùthaich, Astràilia, Oman agus Zimbabwe nam measg.
'S iad an Còmhlan Pìoba Field Marshal Montgomery à Èirinn a Tuath a chrìochnaich san dàrna àite agus bha Còmhlan Pìoba Shiorrachd Lannraig a Tuath, Shotts & Dykehead Caledonia a bha san treas àite.
Bha còrr air 35,000 duine aig tachartas na bliadhna-sa.