Caipteanan iomain na h-Alba gan ainmeachadh

Blair is MairiTùs an deilbh, Camanachd Association
Fo-thiotal an deilbh,

Blair Moireasdan is Màiri Duncan

  • Air fhoillseachadh

'S e Blair Moireasdan a bhios na chaiptein air sgioba iomain na h-Alba airson a' gheam aca le Èireann Disathairne ann an Inbhir Nis.

Dh'innis Comunn na Camanachd cuideachd gur i Màiri Duncan a bhios san dreuchd son sgioba nam ban.

Tha Duncan na pàirt de sgioba Loch Abair a' ghlèidh tiotal nam ban am-bliadhna, agus thuirt i gur e urram a bh'ann a bhith na caiptean air an sgioba air beulaibh sluagh Albannach.

Chaidh Moireasdan, a tha cluich do Chabar Fèidh, ainmeachadh mar chluicheadair na bliadhna ann an 2024.

Tha e cuideachd air cluich dhan sgioba nàiseanta trì tursan roimhe agus chaidh ainmeachadh mar chluicheadair a' gheama ann an 2019.

Thuirt e cuideachd gur e urram a bh'ann dha agus gun robh an sgioba air a bhith trèanadh gu cruaidh gus an Cupa a thoirt air ais bho na h-Èireannaich.

Duilleagan eadar-lìn co-cheangailte