Crynodeb

  • Y Cyfarfod Llawn yn dechrau am 1.30pm gyda Chwestiynau i'r Prif Weinidog

  • Datganiad gan y Gweinidog Iechyd a Gwasanaethau Cymdeithasol: Y wybodaeth ddiweddaraf am Frechiadau COVID-19

  • Datganiad gan Weinidog yr Amgylchedd, Ynni a Materion Gwledig: Cynllun Tlodi Tanwydd

  • Rheoliadau Iechyd Planhigion (Diwygio) (Cymru) (Ymadael â’r UE) 2021

  • Rheoliadau Absenoldeb Teuluol ar gyfer Aelodau Awdurdodau Lleol (Cymru) (Diwygio) 2021

  • Rheoliadau Diogelu Iechyd (Cyfyngiadau Coronafeirws) (Rhif 5) (Cymru) (Diwygio) (Rhif 3) 2021

  • Cynnig Cydsyniad Deddfwriaethol ar y Bil Ardrethu Annomestig (Rhestrau) (Rhif. 2)

  • Dadl: Cyfnod 3 y Bil Cwricwlwm ac Asesu (Cymru)

  1. Hwyl fawrwedi ei gyhoeddi 20:20 GMT 2 Mawrth 2021

    A dyna ni am heddiw - bydd y cyfarfod llawn nesaf yfory.

    Tan hynny, diolch am eich cwmni a chadwch yn ddiogel.

    Nos da.

  2. Cwblhau Cyfnod 3 y Bil Cwricwlwm ac Asesu (Cymru)wedi ei gyhoeddi 20:20 GMT 2 Mawrth 2021

    Dyna gwblhau Cyfnod 3 - Cyfnod olaf ond un - y Bil Cwricwlwm ac Asesu (Cymru).

    Mae'r Bil yn darparu'r sylfaen statudol ar gyfer y Cwricwlwm newydd i Gymru, y mae Llywodraeth Cymru yn bwriadu ei gyflwyno fesul cam o fis Medi 2022 ymlaen.

  3. 'Dyfodol dwyieithog disglair'wedi ei gyhoeddi 19:14 GMT 2 Mawrth 2021

    Nid yw Gareth Bennett o Blaid Diddymu'r Cynulliad yn llwyddo gyda'i welliannau sy'n ymwneud ag addysg Gymraeg, gan gynnwys un oedd yn ceisio datganoli i awdurdodau lleol y pŵer i benderfynu a ddylai Cymraeg fod yn orfodol mewn ysgolion cyfrwng Saesneg rhwng blynyddoedd 4 ac 11.

    Dywed y Gweinidog Addysg, Kirsty Williams, y bydd y bil yn sicrhau “dyfodol dwyieithog disglair” i blant.

    Cymraeg
  4. 'Hanes Cymru yn ei holl amrywiaeth'wedi ei gyhoeddi 18:34 GMT 2 Mawrth 2021

    Mae Sian Gwenllian o Blaid Cymru yn cyflwyno nifer o welliannau a fyddai'n cyflwyno elfennau gorfodol i'r cwricwlwm yn ymwneud â "Hanes Cymru yn ei holl amrywiaeth, gan gynnwys Hanes Pobl Dduon a Phobl Groenliw".

    Mae Kirsty Williams yn ymateb bod llawer o'i chynigion eisoes yn orfodol yn y bil. Dywed ei bod yn bwriadu diwygio'r geiriad sy'n ymwneud â Lleiafrifoedd Du ac Ethnig i fod yn fwy eglur yn y "Cod yr Hyn sy’n Bwysig" i fod yn glir nad yw'r elfen orfodol hon wedi'i chyfyngu i'r dyniaethau, ond pynciau eraill hefyd gan gynnwys llythrennedd, iechyd a'r celfyddydau.

    Gwrthodwyd y gwelliannau mewn pleidleisiau.

    Sian Gwenllian
    Disgrifiad o’r llun,

    Sian Gwenllian

  5. 'Addysg Cydberthynas a Rhywioldeb'wedi ei gyhoeddi 18:22 GMT 2 Mawrth 2021

    Mae ASau wedi pleidleisio i wrthod cyfres o welliannau yn ymwneud ag "Addysg Cydberthynas a Rhywioldeb", gan gynnwys gwneud dysgu "Addysg Lles Mislifol" yn orfodol.

    Roedd 26 o blaid a 28 yn erbyn.

  6. Gorfodi ysgolion i ddysgu sgiliau achub bywyd a chymorth cyntafwedi ei gyhoeddi 17:26 GMT 2 Mawrth 2021

    Mae'r Gweinidog Addysg, Kirsty Williams, yn cyhoeddi y bydd sgiliau achub bywyd a chymorth cyntaf yn cael eu cynnwys yng nghanllaw statudol Cwricwlwm Cymru i orfodi ysgolion i ddysgu'r sgiliau hyn i blant.

    Mae hi'n gwneud y cyhoeddiad mewn ymateb i welliannau a gynigiwyd gan yr AS Ceidwadol Suzy Davies yn galw i'w cael yn rhan orfodol o'r cwricwlwm - tynnodd y gwelliannau yn ôl wedi cyhoeddiad y gweinidog.

    CPRFfynhonnell y llun, Getty Images
  7. Chwe 'maes dysgu a phrofiad'wedi ei gyhoeddi 17:04 GMT 2 Mawrth 2021

    Nid yw cwricwlwm newydd Cymru - sy'n cael ei gyflwyno yn 2022 - yn nodi'n union yr hyn y dylai ysgolion fod yn ei ddysgu ond bydd yn gosod pynciau mewn chwe "maes dysgu a phrofiad":

    • Mathemateg a rhifedd
    • Ieithoedd, llythrennedd a chyfathrebu
    • Iechyd a lles
    • Dyniaethau
    • Gwyddoniaeth a thechnoleg
    • Celfyddydau mynegiadol
  8. Cyfnod 3 y Bil Cwricwlwm ac Asesu (Cymru)wedi ei gyhoeddi 16:37 GMT 2 Mawrth 2021

    Yr eitem olaf yw dadl ar Gyfnod 3 y Bil Cwricwlwm ac Asesu (Cymru), dolen allanol.

    Diben y Bil yw sefydlu fframwaith deddfwriaethol newydd a diwygiedig i roi’r cwricwlwm a’r trefniadau asesu newydd ar waith yng Nghymru.

    Yn gyffredinol, mae pedwar cyfnod yn y broses ar gyfer ystyried Bil Cyhoeddus, sef:

    • Cyfnod 1 - pwyllgor yn ystyried egwyddorion cyffredinol y Bil a'r Senedd yn cytuno ar yr egwyddorion cyffredinol hynny;
    • Cyfnod 2 - pwyllgor yn ystyried y Bil ac unrhyw welliannau a gyflwynwyd i’r Bil hwnnw yn fanwl;
    • Cyfnod 3 - y Senedd yn ystyried y Bil ac unrhyw welliannau a gyflwynwyd i’r Bil hwnnw yn fanwl;
    • Cyfnod 4 - pleidlais gan y Senedd i basio testun terfynol y Bil.
  9. Symud y dyddiad ar gyfer yr ymarfer prisio nesaf ar ardrethi annomestigwedi ei gyhoeddi 16:25 GMT 2 Mawrth 2021

    Mae ASau yn cytuno "y dylai Senedd y DU ystyried y darpariaethau yn y Bil Ardrethu Annomestig (Rhestrau) (Rhif 2), i’r graddau y maent yn dod o fewn cymhwysedd deddfwriaethol y Senedd".

    Diben y Bil hwn yw symud y dyddiad ar gyfer yr ymarfer prisio nesaf ar ardrethi annomestig i 1 Ebrill 2023 ac addasu’r terfyn amser ar gyfer cyflwyno’r rhestrau ardrethu annomestig arfaethedig o 30 Medi i 31 Rhagfyr y flwyddyn cyn ailbrisio

  10. Gall hyd at 4 o bobl o 2 aelwyd wahanol ymarfer corff gyda'i gilydd yn yr awyr agoredwedi ei gyhoeddi 16:20 GMT 2 Mawrth 2021

    Mae ASau yn cymeradwyo Rheoliadau Diogelu Iechyd (Cyfyngiadau Coronafeirws) (Rhif 5) (Cymru) (Diwygio) (Rhif 3) 2021, dolen allanol.

    Felly:

    (i) Caniateir i berchenogion ysgolion ganiatáu i ddisgyblion ym Mlwyddyn 2 ac is ddychwelyd i'r ysgol;

    (ii) Caniateir i berchenogion sefydliadau addysg bellach ganiatáu i fyfyrwyr ddychwelyd i'r sefydliad os ydynt yn astudio amaethyddiaeth, adeiladu, arlwyo, peirianneg neu letygarwch a bod angen iddynt fynd i’r sefydliad i gwblhau eu cyrsiau; ac

    (iii) Yn ystod y cyfnod rhwng 20 Chwefror 2021 a 12 Mawrth 2021 (ond nid fel arall) gall hyd at 4 o bobl o 2 aelwyd wahanol ymarfer corff gyda'i gilydd yn yr awyr agored.

    CoronafeirwsFfynhonnell y llun, Getty Images
  11. Pasbort Planhigion yr UEwedi ei gyhoeddi 16:11 GMT 2 Mawrth 2021

    Mae ASau yn cymeradwyo y fersiwn ddrafft o Reoliadau Iechyd Planhigion (Diwygio) (Cymru) (Ymadael â’r UE) 2021, dolen allanol.

    Diben y Rheoliadau hyn yw "gwarchod bioddiogelwch a chefnogi masnach drwy sicrhau bod mesurau rheoli ffytoiechydol effeithiol yn parhau i weithredu rhwng Gogledd Iwerddon a Phrydain Fawr ac o fewn Prydain Fawr mewn perthynas â Nwyddau Cymwys. Mae'n hwyluso'r polisi o fynediad dirwystr i'r farchnad mewn perthynas â Nwyddau Cymwys.

    "Mae'r offeryn hwn yn gwneud diwygiadau er mwyn caniatáu symud Nwyddau Cymwys i Brydain Fawr o dan Basbort Planhigion yr UE. Unwaith y bydd y Nwyddau Cymwys ym Mhrydain Fawr, caiff Pasbort Planhigion yr UE barhau i gyd-deithio â nhw."

    Azaleas
  12. 'Angen cwmni ynni cenedlaethol'wedi ei gyhoeddi 16:11 GMT 2 Mawrth 2021

    Mae Helen Mary Jones o Blaid Cymru yn siomedig gyda'r cynllun tlodi tanwydd, gan ei ddisgrifio fel un nad yw'n ddigon uchelgeisiol.

    Mae hi'n annog y gweinidog i ystyried awgrym ei phlaid i sefydlu cwmni ynni cenedlaethol, tebyg i Dŵr Cymru, i roi mwy o reolaeth uniongyrchol i bobl sy'n prynu ynni yng Nghymru dros y tariffau sy'n cael eu codi.

  13. Torri addewid i ddileu tlodi tanwydd yng Nghymru yn llwyr erbyn 2018wedi ei gyhoeddi 16:00 GMT 2 Mawrth 2021

    Mae Llywodraeth Cymru eisoes wedi torri addewid i ddileu tlodi tanwydd yng Nghymru yn llwyr erbyn 2018.

    Dywedodd Lesley Griffiths bod polisïau cyni llywodraeth y DU wedi "tanseilio ein hymdrechion i gyflawni'r targedau hyn".

    Mae'r rhaglen cartrefi cynnes yn cynnwys cyllid ar gyfer inswleiddio llofftFfynhonnell y llun, PA Media
    Disgrifiad o’r llun,

    Mae'r rhaglen cartrefi cynnes yn cynnwys cyllid ar gyfer inswleiddio llofft

  14. 'Angen cerrig milltir rhwng nawr a 2035'wedi ei gyhoeddi 15:54 GMT 2 Mawrth 2021

    Mae Mark Isherwood ar ran y grŵp Ceidwadol yn gresynu nad oes "cerrig milltir rhwng nawr a 2035".

    Dywed bod "angen cael ymrwymiad clir i ddileu tlodi tanwydd difrifol erbyn diwedd y degawd hwn fan bellaf" ac i roi hyn a'r targed terfynol ar sail statudol - felly "ni allant cael eu hosgoi gan lywodraethau'r dyfodol ".

    Ateb Lesley Griffiths yw y byddai gosod targedau dros dro nawr dros gyfnod amser byrrach yn "profi i fod yn ymarfer ofer iawn nes ein bod yn deall effaith y pandemig yn well."

  15. Tlodi tanwydd: tri tharged i'w cyflawni erbyn 2035wedi ei gyhoeddi 15:25 GMT 2 Mawrth 2021

    Symudwn ymlaen at Ddatganiad gan Weinidog yr Amgylchedd, Ynni a Materion Gwledig Lesley Griffiths: Cynllun Tlodi Tanwydd.

    Mae'r cynllun , dolen allanolyn gosod tri tharged i'w cyflawni erbyn 2035:

    • Amcangyfrifir nad oes unrhyw aelwydydd yn byw mewn tlodi tanwydd difrifol neu barhaus cyn belled ag y bo'n rhesymol ymarferol;
    • Amcangyfrifir nad oes mwy na 5% o aelwydydd yn byw mewn tlodi tanwydd ar unrhyw adeg benodol cyn belled ag y bo'n rhesymol ymarferol;
    • Bydd nifer yr aelwydydd sydd “mewn perygl” o fyw mewn tlodi tanwydd wedi mwy na haneru yn seiliedig ar amcangyfrif 2018.

    At ddiben y cynllun hwn ac fel y'i diffinnir yn Neddf Cartrefi Cynnes ac Arbed Ynni 2000, ystyrir bod aelwyd yn byw “mewn tlodi tanwydd” os yw aelod o'r aelwyd yn byw ar “incwm is” mewn cartref na ellir ei gadw'n “gynnes” am “gost resymol”.

    Tlodi tanwyddFfynhonnell y llun, Getty Images
    Disgrifiad o’r llun,

    Mae astudiaeth gan Brifysgol Nottingham Trent wedi awgrymu bod 600,000 arall ar ei hôl hi gyda’u biliau yn y DU ers y pandemig

  16. Y diweddaraf am y cynllun brechuwedi ei gyhoeddi 14:54 GMT 2 Mawrth 2021

    Nesaf, datganiad gan y Gweinidog Iechyd a Gwasanaethau Cymdeithasol Vaughan Gething: Y wybodaeth ddiweddaraf am frechiadau Covid-19.

    Dywed fod cyfanswm o 933,485 o bobl yng Nghymru wedi cael dos cyntaf o frechlyn Covid, tra bod 111,716 bellach wedi cael yr ail hefyd, ac y mae'n disgrifio hyn fel "cyflawniad anhygoel".

    Mae'r Ceidwadwr Angela Burns yn galw hynny'n "newyddion hynod siriol" ac yn rhoi "diolch i chi, i'r byrddau iechyd, i'r gwirfoddolwyr, i bawb sydd wedi bod yn rhan o'r rhaglen hon" yn ogystal â Llywodraeth y DU am eu strategaeth gaffael.

    Mae Rhun ap Iorwerth Plaid Cymru yn codi'r ddadl am oedran yn erbyn galwedigaeth wrth flaenoriaethu brechiadau.

    "Mae'n gwneud synnwyr i frechu pobl mewn rolau sy'n wynebu'r cyhoedd, hyd yn oed os ydyn nhw'n iau," meddai.

    Mae'r gweinidog iechyd Vaughan Gething yn cyfeirio at gyngor arbenigwyr sy'n cynghori llywodraeth y DU - y Cydbwyllgor ar Frechu ac Imiwneiddio - sydd wedi dweud mai brechu pobl yn nhrefn oedran yw'r ffordd gyflymaf o leihau marwolaethau Covid-19.

    Dywed Mr Gething "mae'n ymwneud â chydnabod maint y ffactorau risg."

    Brechiadau Covid-19Ffynhonnell y llun, Getty Images
  17. Galw am rewi treth gyngorwedi ei gyhoeddi 14:32 GMT 2 Mawrth 2021

    Mae arweinydd y grŵp Ceidwadol Andrew RT Davies yn gofyn a fyddai Llywodraeth Cymru yn defnyddio ei phwerau i rewi treth gyngor a defnyddio'r gwerth £5.8 biliwn o gyllid canlyniadol gan Lywodraeth y DU i "ariannu'r bwlch" a "helpu teuluoedd ar hyd a lled Cymru."

    "Mae yna argyfwng costau byw yn datblygu nawr gyda'r argyfwng Covid hwn yn taro'r economi yn galed iawn," meddai.

    Mae'r prif weinidog yn ateb y bydd yn aros "nes bod cyllideb yfory allan o'r ffordd ac rydym yn sicr faint o arian sydd ar gael inni yma yng Nghymru i'w ddefnyddio y flwyddyn nesaf."

    "Byddwn wedyn yn ystyried y dibenion y gellid ei gymhwyso ar eu cyfer."

    Andrew RT Davies
    Disgrifiad o’r llun,

    Andrew RT Davies

  18. 'Setliad newydd'wedi ei gyhoeddi 14:20 GMT 2 Mawrth 2021

    Meddai'r Prif Weinidog Mark Drakeford, "Rydw i eisiau setliad newydd i'r undeb fel bod lle Cymru ynddo yn cael ei barchu'n llawn a bod y penderfyniadau sy'n cael eu gwneud ar sail pedair gwlad yn cael eu gwneud ar sail cyfranogiad cyfartal."

    Mae'n dadlau bod pobl yng Nghymru am weld penderfyniadau "am Gymru" yn cael eu gwneud yma "heb dorri ein hunain oddi ar bopeth y gallwn ei gyflawni gyda'n gilydd fel cymdeithas wirfoddol pedair gwlad ledled y DU" .

    Mark Drakeford
    Disgrifiad o’r llun,

    Mark Drakeford

  19. 'Annibyniaeth yw'r ffordd orau o sicrhau cymdeithas fwy cyfartal'wedi ei gyhoeddi 14:06 GMT 2 Mawrth 2021

    Mae arweinydd Plaid Cymru, Adam Price, yn anghytuno ag erthygl a ysgrifennwyd gan y Prif Weinidog Mark Drakeford yn The National, dolen allanol, ble dywedodd bod annibyniaeth yn “ymateb o’r 19eg ganrif i broblem yn yr 21ain ganrif”.

    Mae Mr Price yn dadlau mai "annibyniaeth yw'r ffordd orau o sicrhau cymdeithas fwy cyfartal, oherwydd ni fyddai Cymru wedi'i rhwymo gan batrymau pleidleisio pobl yn ne Lloegr. Nid ydym erioed wedi pleidleisio i'r Torïaid yng Nghymru ond rydym wedi cael llywodraethau Torïaidd dau-draean o'r amser.

    "A oes unrhyw reswm i feddwl y bydd hynny'n wahanol yn y dyfodol?"

    Adam Price
    Disgrifiad o’r llun,

    Adam Price