
جب یورو فائٹر ٹائفون کا پائلٹ نیچے دیکھتا ہے تو اس کو سرمئی زمین نظر نہیں آتی بلکہ اس کو بادل اور شاید بھیڑ بکریاں نظر آتی ہیں۔
اس پائلٹ کو اگر زمین پر یا فضا ہی میں دشمنوں کا کھوج لگانا ہے تو اس کو اس کے لیے جہاز کو اس رخ موڑنے کی ضرورت نہیں پڑے گی۔
وہ صرف اس جانب دیکھے گا اور اس بات کا خیال رکھے گا اس کی ہیلمٹ پر بنا نشان ہدف پر ہو اور پھر فائر کا بٹن دبا دینا ہے۔
یہ سب کیسے ممکن ہے؟ اس پائلٹ نے برطانوی دفاعی کمپنی بی اے ای کی جدید ہیلمٹ پہن رکھی ہے۔
جہاز پر نصب تمام کیمرے وائر لیس کے ذریعے اس ہیلمٹ کے ساتھ منسلک ہیں۔ پائلٹ جس سمت بھی دیکھتا ہے کیمروں کا نظام اس کی ہیلمٹ پر اس طرف کا منظر ریئل ٹائم میں دکھا دیتا ہے۔
دنیا بھر کی فوجوں نے ہیلمٹ ماؤنٹڈ ڈسپلے کا استعمال نوے کی دہائی میں کیا۔ اور اس کے بعد سے یہ ہیلمٹ میں جدت لائی جا رہی ہے۔
بی اے ای کمپنی کے ایلن جوئٹ کا کہنا ہے ’سٹرائیکر ہیلمٹ پہنے ہوئے پائلٹ کو جب زمین پر کچھ نظر آتا ہے تو اس کو صرف اس سمت دیکھنے کی ضرورت ہے اور ہیلمٹ پر لگے نشان کو اس شے پر لے کر آئے اور بٹن دبائے۔ اور اس شے کے کوآرڈینیٹس اس کو مل جائیں گے۔ پائلٹ پھر اپنے سنسرز، کیمرے یا ہتھیار اس شے کی جانب موڑ سکتا ہے۔‘
مختلف ممالک کے پائلٹ سٹرائیکر ہیلمٹ کا استعمال کر رہے ہیں لیکن اس کا ابھی تک استعمال میدانِ جنگ میں نہیں کیا گیا۔






























