،تصویر کا کیپشنافریقی ملک مالی کے تاریخی شہر ٹمبکٹو کی معروف مسجد پر عسکریت پسندوں نے حملہ کیا ہے۔
،تصویر کا کیپشنعلاقے کے لوگوں نے بی بی سی کو بتایا کہ نامعلوم مسلح افراد نے پندرہویں صدی کی تعمیر شدہ سدی یحییٰ کی تاریخی مسجد کا دروازہ توڑ دیا۔
،تصویر کا کیپشناس سال کے شروع میں مبینہ طور پر القاعدہ سے منسلک انصار دین گروہ نے شہر پر قبضہ کر لیا تھا۔
،تصویر کا کیپشناس گروہ نے اس سے قبل بھی شہر کی کئی زیارت گاہوں تباہ کیا ہے اور اس سلسلے میں ان کا یہ کہنا ہے کہ یہ اسلام کے منافی ہیں۔
،تصویر کا کیپشنانصار دین کے ترجمان سانڈا آولڈ بمانا نے بی بی سی کو بتایا کہ ہماری تحریک نے اس سلسلے میں اپنے تقریباً نوے فیصد اہداف پورے کر لیے ہیں اور ایسی تمام زیارت گاہوں کو برباد کردیا ہے جو شریعت کے خلاف ہیں۔
،تصویر کا کیپشنانھوں نے کہا کہ شریعت زمین سے پندرہ سنٹی میٹر یا چھ انچ سے زیادہ ابھری ہوئی قبروں کی اجازت نہیں دیتی ہے۔
،تصویر کا کیپشنثقافتی وراثت کے عالمی ادارے یونسکو کے مطابق سدی یحییٰ کی مسجد کا ٹمبکٹو کی تین اہم مساجد میں شمار ہوتا ہے۔
،تصویر کا کیپشنجس دروازے کو توڑا گیا ہے وہ بند پڑا ہوا تھا کیونکہ وہ صوفی بزگ سدی یحییٰ کے مزار کا دروازہ تھا۔
،تصویر کا کیپشنخبر رساں ایجنسی اے ایف پی کے مطابق کچھ عینی شاہدین نے تباہی دیکھ کر آہ و زاری شروع کر دی تھی۔