حیدرآباد: مدرسے میں طالب علم پر تشدد کرنے والا مولوی گرفتار

،تصویر کا ذریعہGetty Images
حیدرآباد کے تھانہ کینٹونمٹ کی حدود میں واقع معصوم شاہ کالونی کی سرہندی مسجد میں ایک مولوی کو سوشل میڈیا پر وائرل ہونے والی ویڈیو میں ایک چھوٹے سے بچے کو مدرسے سے غیر حاضری پر پائپ نما چیز سے مارتے ہوئے دکھایا گیا تھا۔
پاکستان کی سرکاری خبر رساں ایجنسی اے پی پی سے جاری ہونے والی خبر میں اس مولوی کا نام قاری صابر احمد انصاری بتایا گیا اور کہا ہے کہ اس نے بیلٹ سے بچے پر تشدد کیا۔ مولوی صابر احمد انصاری مسجد کے پیش امام غلام حسین انصاری کا بیٹا ہے۔
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
X پوسٹ کا اختتام
یہ بھی پڑھیے
ڈسٹرک پولیس حیدر آباد نے ایک ٹوئٹر پیغام میں اس مولوی کی گرفتاری کی خبر کی تصدیق کی ہے۔
سندھ کے وزیر اعلیٰ مراد علی شاہ نے اس واقعہ کا فوری طور پر نوٹس لیتے ہوئے پولیس کو ہدایت کی تھی کہ وہ قانون سے مطابق کارروائی کر کے رپورٹ پیش کرے۔
سینئر سپرانٹنڈنٹ پولیس حیدرآبار سرفراز نواز شیخ نے ملزم کی فوری گرفتاری کا حکم دیا۔ پولیس نے بچے کے والے احمد جان کی رپورٹ پر ایف آئی آر بھی درج کر لی ہے۔
یہ بھی پڑھیے
End of سب سے زیادہ پڑھی جانے والی
پولیس نے تعزیراتِ پاکستان کی دفعہ 328 اے کے تحت مقدمہ درج کیا ہے جس میں جرمانے کے ساتھ ساتھ ایک سے تین سال قید کی سزا بھی سنائی جا سکتی ہے۔




















