ፕሪያንካ ቾፕራ፡ ህንዳዊት ኮኾብ ተዋሳኢት መዓስከራት ኤርትራውያን ስደተኛታት ተዓዚባ

ፕሪያንካ ኣብ መዓስከር ስደተኛታት
Published
ንባብ: 1 ደቓይቕ

ኮኾብ ተዋሳኢት ቦሊውድ-ህንዲ ፕሪያንካ ቾፕራ፡ ኣብ ኢትዮጵያ ንዝርከቡ መዓስከራት ስደተኛታት ኤርትራ፣ ሱዳንን ካልኦት ሃገራትን ተዓዚባ።

ኣብ ውድብ ሕቡራት ሃገራት ኤጀንሲ ህጻናት - ዩኒሴፍ ከም ዝሓበሮ፡ እታ ኣምባሳደር ሰናይ ተግባር ነቶም ብሰንኪ ኣብ ሃገራቶም ዘሎ ጎንጽን ሰብኣዊ ቅልውላውን ዝተሰደቱ ህጻናት ዝርከቡሉ ኩነታት ንምዕዛብ'ያ ናብ ኢትዮጵያ ዝተጓዓዘት።

ኣስታት 55,000 ኤርትራውያን ናብ ዝርከቡሎም መዓስከራት ሕጻጽን ዓዲ-ሓሩሸን፡ ከምኡ ድማ 17,000 ስደተኛታት [ዝበዝሑ ሱዳናውያን] ናብ ዝነብሩሉ መዓስከር ባምባሲ ብምኻድ፡ ምስ ህጻናትን መናእሰይን ተራኺባ።

"ህጻናት ብሰንኪ ኲናትን ዕንወትን ካብ ሃገራቶም ክፈናቐሉ ከለዉ፡ ኣብ ህይወቶም ከቢድ ቅልውላው ከተኣናግዱ'ዩ ዝገብሮም" ኢላ።

ብሰንኩ እውን ካብ ትምህርቲ ስለዝተኣጓጎሉ፣ ኣገልግሎት ጥዕና ስለዘይረኽቡን ዝቐሰነ ህይወት ስለዘይህልዎምን፡ ንጥቕዓት፣ ዓመጽን ምዝመዛን ከም ዝቃልዑ ሓቢራ።

ዩኒሴፍ ከም ዝሕብሮ፡ ኢትዮጵያ፡ ብሰንኪ ኣብ ሃገራቶም ዘሎ ዘይምርግጋእን ፖለቲካዊ ኩነታትን ንዝተሰደቱ ኣስታት 900,000 ስደተኛታት ኣዕቊባ ትርከብ።

እቶም ስደተኛታት ከኣ ካብ ሶማሊያ፣ ደቡብ ሱዳን፣ ኤርትራ፣ ሱዳንን የመንን ከም ዝኾኑ ጸብጻብ ዩኒሴፍ የመልክት።

ፕሪያንካ ኣብ ኢንስታግራማ፡ ኣብ ኢትዮጵያ ዝርከቡ ኣባላት ዩኒሴፍ ንዘሰርሕዎ ስራሕ ምስጋናን ናእዳን ኣቕሪባ።

Skip Instagram post
ንትሕዝቶ Instagram ተፍቅድ ዶ?

እዚ ጽሑፍ ካብ Instagram ዝተረኽቡ ትሕዝቶታት ኣሎዎ። እንተኾነ ኩኪስ ይዅን ካልእ ቴክኖሎጂ ክጥቀሙ ስለዝኽእሉ፡ ቅድሚ ምኽፋቱ ፍቓድኩም የድሊ። ፍቓደኛታት ቅድሚ ምዃንኩም፡ ነቲ ናይ Instagram ፖሊሲ ኩኪስ ከምኡ’ውን ፖሊሲ ብሕትና ክተንብብዎ ትኽእሉ ኢኹም። ነዚ ትሕዝቶ ንምርኣይ፡ ‘እሰማማዕ’የ ቀጽል’ ዝብል ጠውቑ።

Warning: Third party content may contain adverts

End of Instagram post

ፕሪያንካ፡ መዓስከራት ስደተኛ ኣብ ዝርከቡሎም ከባብታት ዝነብሩ ኢትዮጵያውያን እውን ኣብ ዝተሓተ ቁጠባዊ ዓቕም ዝነብሩን ሕጽረት ቀረባት ዘለዎምን ከም ዝኾኑ ትዕዝብታ ገሊጻ።

"ውልቀ-ሰባት፣ ማሕበረሰብን መንግስታትን ነቶም ብሰንኪ ኲናትን ሰብኣዊ ቅልውላውን ካብ ሃገራቶም ዝተሰደቱ ሰባት ከመይ ክሕግዝዎም ከም ዝግባእ፡ ኢትዮጵያ ኣንጸባራቒት ኣብነት'ያ" ክትብል ተዛሪባ።