
Pope Francis waxa uu ka soo jeedaa Latina Amerika
Kaniisadda Vatican ayaa dooratay Baaderi weynaha cusub ee kaniisadda madhabta Catholic. Baaderiga cusub waa Jorge Mario Bergoglio oo ah 76 jir u dhashay dalka Argentina, waxaana uu uu qaadan doonaa magac Pope Francis koowaad.
Waa baaderigii ugu horreeyay ee ka soo jeeda meel ka baxsan qaaradda Yurub muddo dheer.
Pope Francis ayaa soo istaagay daaqadda dhismaha St Peter's Basilica, isaga oo la hadlay tobanaan kun oo dad faraxsan ah oo joogay fagaaraha ka hooseeya iyo jidadka u dhaw.
Isaga oo xiran dhar cad, ayaa Pope Francis waxa uu u mahadceliyay dadka halkaasi isugu soo baxay isaga oo weydiistay inay u duceeyaan isaga iyo Pope-kii ka horreeyay.