Kana amfani da shafin BBC mai bayyana rubutu kawai (babu hoto) domin rage cin data. Idan ana so a ga hotuna da bidiyo sai a koma babban shafinmu.
Man United ta koma ta biyar a teburin Premier
Manchester United ta koma mataki na biyar a kan teburin Premier, bayan da ta yi nasarar cin West Ham United 2-1 a wasan mako na 34 da suka buga a Old Traford ranar Asabar.
United ta ci kwallayenta ta hannun Paul Pogba duk a bugun fenariti, ita kuwa West Ham ta ci nata kwallon ne ta hannun Felipe Anderson.
Da wannan sakamakon United ta koma ta koma ta biyar a kan teburin Premier da maki 64, Arsenal ta yi kasa zuwa mataki na shida da maki 63.
United wadda ta yi rashin nasara a wasa biyu a Premier mai kwantan wasa daya, tana biye da Chelsea ta hudu mai maki 66, wadda za ta yi wasa ranar Lahadi da Liverpool.
United za ta ziyarci Barcelona a mako mai zuwa domin buga wasa na biyu da Barcelona a gasar cin kofin Zakarun Turai ta Champions League.
A wasan farko da suka yi a Old Trafford, Barcelona ce ta yi nasara da ci daya mai ban haushi, bayan da United ta ci gida.