Kana amfani da shafin BBC mai bayyana rubutu kawai (babu hoto) domin rage cin data. Idan ana so a ga hotuna da bidiyo sai a koma babban shafinmu.
Manchester City ta dauki kofin Premier ta Ingila
An wallafa
A fagen kwallon kafa, kulob din Manchester City ya lashe kofin gasar Premier ta nan Ingila, duk da cewa kulob din bai buga wasa a ranar Lahadin nan ba.
Babbar abokiyar hamayyarsu Machester United, ta sha kashi a gida a hannun kulob din da ke kasan teburin gasar, West Brom da ci 1-0.
Hakan na nufin ba za su taba iya kamo Manchester City a yawan maki ba.
Wannan ne karon farko da kocin Manchester City, Pep Guardiola, ya lashe kofin gasar ta Premier.
Kulob din na Manchester City ya na da sauran wasanni biyar a gaba.