Kana amfani da shafin BBC mai bayyana rubutu kawai (babu hoto) domin rage cin data. Idan ana so a ga hotuna da bidiyo sai a koma babban shafinmu.
Ba a san ranar da Kompany zai dawo tamaula ba
An wallafa
Manchester City ba ta san ranar da kyaftin dinta Vincent Kompany zai dawo taka-leda ba, bayan da yake yin jinya a yanzu haka.
Mai tsaron baya, mai shekara 30, ya yi rauni a wasan da City ta doke Swansea 2-1 a gasar Capital One Cup a ranar Laraba.
Wasan kuma shi ne na farko da ya buga wa City a kakar wasan bana, tun wanda ya murza mata leda a ranar 4 ga watan Mayu.
Manchester City ta ci gaba da zama a Kudancin Wales domin ta sake karawa da Swansea a gasar Premier a ranar Asabar.