Canada ngo ntawe uzayitera ubwoba

Ahavuye isanamu, EPA
Yatangajwe
Ministri wíntebe wa Canada - Stephen Harper- yavuze ko igihugu cye kitazaterwa ubwoba n'uwo ari we wese nyuma yaho umugabo witwaje imbunda yibasiye inteko nshingamategeko mbere yuko yicwa arashwe.
Stephen Harper yavuze ko ari igitero cy'iterabwoba kandi asezeranya abanyacanada ko ingamba zo kurwanya ibikorwa by'iterabwoba zigiye kwongererwa ingufu.
Uwo mugabo wari witwaje imbunda - witwa Michael Zehaf-Bibeau, yishe arashe umusirikare mu mujyi wa Ottawa mbere yuko yinjira mu nzu y'inteko nshingamategeko.
Ku wa mbere umunyacanada- wabaye umuyisilamu - yishe umusirikare mu mujyi wa Quebec.
Canada iherutse kwiyemeza gufasha ibihugu byishize hamwe ngo birwanye intagondwa zo mu mutwe wa Leta ya Kiyisilamu muri Irak no muri Syria.






