
Abategetsi ba Nigeriya baravuga ko umwanditsi w'ibitabo w'icyamamare, Chinua Achebe, yitabye imana.
Umuvugizi ya leta ya Anambra, yabwiye BBC ko bari mu kiriyo cya Chinua Achebe, intwari ya Nigeriya n'Afurika.
Chinua Achebe wavutse muri 1930, yari afite icyubahiro cyo kuba umubyeyi w'ubwanditsi bw'ibitabo mu cyongereza muri Afurika.
Igitabo cye cyamenyekanye cyane ni "Things Fall Apart" cyibanze ku ingaruka z'ubukoloni muri Afurika.
Mu mwaka wa 1970, yabaye umwarimu muri kaminuza yo muri leta ya Boston, muri leta zunze ubumwe z'amerika.
Mu myaka ya nyuma y'ubuzima bwe, Chinua Achebe, yakunze kunenga leta ya Nigeriya.