Pryder wrth i fesurau ffliw adar ddod i ben
Fe ddylai Llywodraeth Cymru ystyried brechlyn i fynd i'r afael â'r ffliw adar, yn ôl rhai sy'n cadw dofednod.
Mae mesurau gorfodol i gadw dofednod ac adar caeth dan do yn dod i ben ledled Cymru ddydd Mawrth.
Ond mae yna bryder y gallai'r sefyllfa ailadrodd ei hun eto'r flwyddyn nesaf, os nad oes mwy'n cael ei wneud i atal yr haint.
Yn ôl Llywodraeth Cymru y ffordd fwyaf effeithlon o gadw Ffliw Adar draw yw defnyddio "mesurau hylendid a bioddiogelwch trwyadl, dolen allanol".
Mae Ioan Humphreys yn ffermio 32,000 o ddofednod yng Ngharno, Powys ac mae ganddo deimladau cymysg am godi'r mesurau.