Dyn yn yr ysbyty wedi gwrthdrawiad ger Llandeilo
- Cyhoeddwyd

Mae dyn oedrannus wedi cael ei anafu'n ddifrifol ac yn cael triniaeth mewn ysbyty yng Nghaerdydd wedi gwrthdrawiad rhwng dau gerbyd yn Sir Gaerfyrddin.
Cafodd gyrrwr y Suzuki Grand Vitara du ei anafu wedi i'w gerbyd daro Nissan Juke glas oddeutu 09:00 fore Sul rhwng Llandeilo a Thalyllychau.
Roedd ffordd y B4302 ar gau am dros bedair awr wrth i blismyn ymchwilio i'r ddamwain.
Cafodd y dyn ei hedfan i ysbyty yng Nghaerdydd ac mae mewn cyflwr difrifol.
Mae plismyn yn apelio am dystion.