Bachgen, 16, wedi marw ar ôl cael ei daro gan feic modur
- Cyhoeddwyd

Mae bachgen 16 oed wedi marw yn dilyn gwrthdrawiad gyda beic modur ym Mhen-y-bont, meddai Heddlu De Cymru.
Cafodd Rhys Rubery o Bencoed, oedd yn ddisgybl yn Ysgol Llanhari, ei daro gan feic Suzuki du wrth gerdded ger cyffordd Merthyr Mawr ar yr A48 tua 17:15 ddydd Mawrth.
Bu farw o'i anafiadau fore Mercher yn Ysbyty Athrofaol Caerdydd.
Mae ei deulu wedi rhoi teyrnged iddo, gan ddweud: "Fe wnaeth gyflawni gymaint mewn ychydig iawn o amser ar y blaned hon a byddwn wastad yn falch ohono.
"Rydym wedi torri ein calonnau. Roedd gymaint o bobl yn ei garu."
Dywedodd yr heddlu bod y beiciwr modur wedi cael man anafiadau, a bod yr ymchwiliad i'r digwyddiad yn parhau.