Barnet 0-1 Wrecsam
- Cyhoeddwyd
Mae Wrecsam yn symud i'r chweched safle ar ôl buddugoliaeth oddi cartref yn erbyn y tîm ar frig yr adran.
Rob Evans gafodd y gôl wnaeth sicrhau pedwaredd buddugoliaeth Wrecsam oddi cartref y tymor hwn.
Barnet oedd yn meistroli'r cyfnod agoriadol - Luisma Villa yn methu cyfle da - a bu'n rhaid i Daniel Bachmann arbed ergyd Curtis Weston.
Yn ddiweddarach, fe wnaeth Bachmann arbed ergyd gan Lee Cook, hefyd.
Fe sgoriodd Evans ar ôl yr egwyl, gydag ergyd o 20 llath.