Disgwyl diweddariad i ymchwiliad cam-drin plant
- Cyhoeddwyd

Mae cyn-gartref gofal Bryn Estyn yn Wrecsam
Bydd adroddiad yn seiliedig ar ymchwiliad yr heddlu i honiadau newydd o gam-drin plant yng ngogledd Cymru yn y saithdegau a'r wythdegau yn cael ei gyhoeddi yn ddiweddarach.
Sefydlwyd ymchwiliad Pallial gan yr Ysgrifennydd Cartref yn dilyn honiadau am ymchwiliadau blaenorol i gamdriniaeth plant yn yr ardal.
Gorchmynnodd Teresa May y dylid cynnal ymchwiliad wedi adroddiad ar raglen Newsnight ym mis Tachwedd, a arweiniodd at arglwydd Ceidwadol yn cael ei gyhuddo ar gam o bedoffilia, ac a honnodd hefyd fod cam-drin plant yng ngogledd Cymru yn y 1970au a'r 80au yn llawer mwy cyffredin nac yr oedd ymchwiliadau blaenorol wedi ystyried.
Ers hynny mae mwy na 120 o bobl wedi cysylltu â'r awdurdodau, y rhan fwyaf gyda honiadau newydd ynghylch camdriniaeth yn y gorffennol, ac mae plismyn wedi arestio un dyn, sydd wedi ei holi ar amheuaeth o nifer o droseddau rhyw difrifol yn erbyn sawl person.
Mae disgwyl y bydd yr adroddiad a gyhoeddir yn ddiweddarach yn arwain at achosion troseddol pellach.
Fe gafwyd saith cyn aelod o staff cartrefi gofal awdurdodau lleol yn euog o gam-drin plant yn dilyn ymchwiliad blaenorol.
Straeon perthnasol
- Cyhoeddwyd25 Ebrill 2013

- Cyhoeddwyd17 Rhagfyr 2012

- Cyhoeddwyd14 Rhagfyr 2012
