Tair lôn ddwyreiniol Ail Bont Hafren wedi cau ar ôl gwrthdrawiad

  • Cyhoeddwyd

Mae tair lôn ar Ail Bont Hafren wedi cau wedi gwrthdrawiad fore Mercher.

Mae'r tair lôn ddwyreiniol ar gau rhwng Cyffordd 23 Magwyr a Chyffordd 22 yr M49.

Cafodd y gwasanaethau brys eu galw i'r ddamwain rhwng pum car a dwy lori tua 11.20am yn ôl Heddlu Gwent.

Does 'na ddim anafiadau difrifol.

Mae traffig yn llwyddo i symud yn araf ar y llain galed yn unig gyda'r traffig yn cael ei ddargyfeirio ar hyd hen Bont Hafren.

Dywedodd Gwasanaeth Tân ac Achub De Cymru fod tri chriw o ddiffoddwyr wedi eu galw i'r ddamwain.

Mae 'na griwiau yn cael eu hanfon o wasanaeth tân Avon hefyd.

Dolenni perthnasol ar y we

Dyw'r BBC ddim yn gyfrifol am gynnwys gwefannau allanol