ဝန်ကြီးကို NLD တရားစွဲဖို့ပြင်

nld
ဓာတ်ပုံ ပုံစာ, NLD က တရားလို အဖြစ် တိုင်ကြား
ရေးသားခဲ့သည်။

ရွေးကောက်ပွဲ ဝင်မယ့် ဝန်ကြီးတဦးကို တရားစွဲ ထားမှု ကို ဥပဒေအတိုင်း ဆောင်ရွက်ဖို့ ရန်ကုန်တိုင်း ရွေးကောက်ပွဲ ကော်မရှင် က ရဲစခန်း ကို အကြောင်းကြားလိုက်ပြီ လို့သိရပါတယ်။

တရားလို အဖြစ် တိုင်ကြားတဲ့ NLD ဘက်က တော့ သူတို့ဘက်က အမှုဖွင့်တိုင် ကြားထား ပြီး ဖြစ်ပြီး ခိုင်မာတဲ့ သက်သေအထောက်အထားတွေ အကုန် ရှိ တယ် လို့ ပြော ပါတယ် ။

လှည်းကူး ကြံ့ခိုင်ရေးပါတီ က ဝင်ပြိုင် မယ့် လျှပ်စစ်ဝန်ကြီး ဦး ခင်မောင်စိုးနဲ့ လှည်းကူး က ကြံ့ခိုင်ရေး ပါ တီ ကိုယ်စားလှယ်လောင်း တွေ အပေါ် တိုင် ကြား တာပါ။

ဒီအမှု ဟာ အစိုးရ အဖွဲ့ဝင် ဝန်ကြီးတဦး ကို ရွေးကောက်ပွဲ ဆိုင်ရာ အငြင်းပွားမှု နဲ့ ပတ်သက်ပြီး ပထမဆုံး ရဲက အမှုဖွင့်ဖို့ လက် ခံလိုက်တဲ့ အမှုလို့ ပြောရမှာ ပါ။

ပြီးခဲ့ တဲ့လက နေပြည်တော်မှာ ဒီလို အမှု မျိုးရှိ ခဲ့ ပြီး ဝန်ကြီး ဦး မြင့်လှိုင်ကို တရားစွဲ ဖို့ NLD က တိုင်ကြားပေမယ့် ရဲဘက်က လက်ခံ စစ်ဆေးတဲ့ အခြေနေ မျိုး မရောက် ခဲ့ပါဘူး ။

ရွေးကောက်ပွဲ ကျင်းပဖို့ တလလောက် လိုချိန်မှာ ရွေးကောက်ပွဲ မဲဆွယ် စည်းရုံးရေး တွေမှာ ကြံ့ခိုင်ရေး ပါ တီ နဲ့ NLD တို့ကြားမှာ ဖြစ်ပွားမှုတွေ က အခြား အငြင်းပွား မှု တွေထက် ပို များတာ ကို တွေ့ရပါတယ်။

ကြံ့ခိုင်ရေး ကို ဒီစွဲ ဆိုမှု နဲ့ ပတ်သက်ပြီး မေး မြန်းပေမယ့် ပြန်လည် ဖြေကြားခြင်း မရှိပါဘူး ။

နေပြည်တော်မှာ NLD က ကြံ့ခိုင် ရေး ပါတီ ဝင် တဦးကို တရားစွဲ ထား ပြီး မြောင်းမြမှာ ကြံ့ခိုင် ရေး ပါ တီက NLD ပါတီ ဝင် တဦး ကို ရိုက်နှက်မှု၊ တဘက် နဲ့ တဘက် အပြန်အလှန် ဆဲဆိုမှု နှောက်ယှက်မှု တွေနဲ့ ရဲ ကို တိုင်ကြား ထားပါတယ် ။

NLD အနေနဲ့ ရွေးကောက်ပွဲ မတရားမှု တွေကို မူတရပ် ချပြီး ဥပဒေ ဘောင်ထဲက နေ ဖြေရှင်း ဖို့ ကြိုးပမ်းတာကို တွေ့ရပါတယ် ။

အခု ဝန်ကြီး ဦး ခင်မောင်စိုး ကို လှည်းကူး ဘားလား ကျေးရွာမှာ ထရန်စဖော်မာ ဖွင့်ပွဲ မှာ နိုင်ငံပိုင် ပစ္စည်း သုံးပြီး မဲဆွယ်တယ် ဆိုပြီး တိုင် ကြားခဲ့ တာ ဖြစ်ပါတယ်။

ပြစ်မှု ထင်ရှားတယ် ဆိုရင် ရွေးကောက်ပွဲ ဥပဒေ အရ ထောင်ဒဏ် တနှစ် သို့မဟုတ် ငွေဒဏ် တသိန်း ထက်မပို သော ငွေဒဏ် ပေးဆောင်ရမှာ ဖြစ်ပြီးတော့ ဥပဒေ အရ ထောင်ဒဏ်ရော ငွေဒဏ်ပါ နှစ်ရပ်စလုံး ချမှတ် နိုင်တယ် လို့လည်း ကော်မရှင်က ထုတ်ပြန် ထားပါတယ် ။