ဒေတာကုန်ကျမှုလျှော့ချနိုင်ရန်အတွက် ယခုဝက်ဘ်ဆိုက်မှ စာမျက်နှာများကို ရုပ်ပုံမပါ စာသားဖြင့်သာတင်ဆက်ပေးထားပါသည်။ ရုပ်ပုံ ဗီဒီယိုများနှင့် ကြည့်လိုလျှင် မူလစာမျက်နှာတွင်ကြည့်နိုင်ပါသည်။
မာရီယာ ဟာရီကိန်းကြောင့် မိုးကြီးပြီးဆည်ကျိုး
မာရီယာ ဟာရီကိန်း မုန်တိုင်းဒဏ် ခံခဲ့ရတဲ့ ပွာတိုရီကို မှာ မိုးအကြီးအကျယ် ရွာခဲ့တာကြောင့် guajataca ဆည် ကျိုးပေါက်သွား ခဲ့တယ်လို့ အမေရိကန် အရာရှိတွေက ပြောပါတယ်။
အခြေအနေက တကယ့်ကို အန္တရာယ်ကြီးလှပြီး အနားက လူတွေကို တတ်နိုင်သမျှ အမြန်ဆုံး ကယ်ထုတ်ခဲ့ရတယ်လို့ အမေရိကန် မိုးလေ၀သဌာန က ပြောပါတယ်။
အဲဒီကျွန်းရဲ့ နေရာတချို့မှာ ဆိုးဆိုးရွားရွား ရေကြီး နေပြီး မိုးရေချိန် တမီတာကျော်နိုင်တယ်လို့ ဆိုပါတယ်။
ပွာတိုရီကို ကျွန်းအနောက်မြောက်ဖက်မှာ ရှိတဲ့ guajataca ဆည်ဟာ ဂွာဂျာတာကာ မြစ်ရေလွှမ်းဒဏ်ခံရတဲ့ နေရာမှာ ရှိတာ ဖြစ်ပါတယ်။
လတ်တလော တိုက်ခတ်ခဲ့တဲ့ မာရီယာ ဟာရီကိန်း မုန်တိုင်းဟာ ပွာတိုရီကို အတွက် နှစ်ကိုးဆယ်အတွင်း အဆိုးရွားဆုံး မုန်တိုင်း ဖြစ်ပါတယ်။