Yevlaxda tələbələrin olduğu avtobus qəzaya düşüb, 2 nəfər ölüb, 23-ü yaralanıb

Şəklin mənbəyi, Azertag
Çap edildi
Yevlax rayonunda sərnişinlərin çoxu tələbələrin olduğu mikroavtobus qəzaya uğrayıb.
İcbari Tibbi Sığorta üzrə Dövlət Agentliyi bildirib ki, qəza nəticəsində 2 nəfər ölüb, 23 nəfər xəsarət alıb.
Agentliyin məlumatına görə, xəsarət alanlardan 21-i Yevlax Rayon Mərkəzi Xəstəxanasına, 2 nəfəri isə Mingəçevir Şəhər Mərkəzi Xəstəxanasına aparılıb.
Xəsarət alanlardan ikisi reanimasiyadadır. Onlardan birinin vəziyyəti ağır, digərininki isə orta-ağır qiymətləndirilir. Digər xəsarət alanların vəziyyəti isə normaldır.
Qəza cümə axşamı günü Yevlax rayonunun Xaldan qəsəbəsində baş verib.






















